kuRiJcippATTu

Kuṟiñcip pāṭṭu (261 lines)

((Originally extracted from master file ^10PATTU.OCP))
((Last updated on 2004 April 15th))

{kuṟi-1} aṉṉāy vāḻi vēṇṭu aṉṉai oḷ nutal
{kuṟi-2} oli mel kūntal eṉ tōḻi mēṉi
{kuṟi-3} viṟal iḻai nekiḻtta vīvu arum kaṭu nōy
{kuṟi-4} akaluḷ āṅkaṇ aṟiyunar viṉāy um
{kuṟi-5} paravi um toḻutu um viravu malar tūy um
{kuṟi-6} vēṟu pal uruviṉ kaṭavuḷ pēṇi
{kuṟi-7} naṟai um virai um ōcci um alavuṟṟu
{kuṟi-8} eyyā maiyalai nī um varuntuti
{kuṟi-9} nal kaviṉ tolaiya um naṟum tōḷ nekiḻa um
{kuṟi-10} puḷ piṟar aṟiya um pulampu vantu alaippa um
{kuṟi-11} uḷ karantu uṟaiyum uyyā arum paṭar
{kuṟi-12} ceppal vaṉmaiyiṉ ceṟittu yāṉ kaṭavaliṉ
{kuṟi-13} muttiṉum maṇiyiṉum poṉṉiṉum a tuṇai
{kuṟi-14} nērvarum kuraiya kalam keṭiṉ puṇarum
{kuṟi-15} cālpu um viyappu um iyalpu um kuṉṟiṉ
{kuṟi-16} mācu aṟa kaḻīi vayaṅku pukaḻ niṟuttal
{kuṟi-17} ācu aṟu kāṭci aiyarkku um a nilai
{kuṟi-18} eḷiya eṉṉār tol maruṅku aṟiñar
{kuṟi-19} mātar um maṭaṉ um ōrāṅku taṇappa
{kuṟi-20} neṭum tēr entai arum kaṭi nīvi
{kuṟi-21} iruvēm āynta maṉṟal itu eṉa
{kuṟi-22} nām aṟivuṟāliṉ paḻi um uṇṭu ō
{kuṟi-23} āṟṟiṉ vārār āyiṉum āṟṟa
{kuṟi-24} ēṉai ulakattu um iyaivatu āl namakku eṉa
{kuṟi-25} māṉ amar nōkkam kalaṅki kaiyaṟṟu
{kuṟi-26} āṉā ciṟumaiyaḷ ivaḷ um tēmpum
{kuṟi-27} ikal mī kaṭavum iru peru vēntar
{kuṟi-28} viṉai iṭai niṉṟa cāṉṟōr pōla
{kuṟi-29} iru pēr accamōṭu yāṉ um āṟṟaleṉ
{kuṟi-30} koṭuppiṉ naṉku uṭaimai um kuṭi niral uṭaimai um
{kuṟi-31} vaṇṇam um tuṇai um porīi eṇṇātu
{kuṟi-32} emiyēm tuṇinta ēmam cāl aru viṉai
{kuṟi-33} nikaḻnta vaṇṇam nī naṉi uṇara
{kuṟi-34} ceppal āṉṟiciṉ ciṉavātīm ō
{kuṟi-35} nel koḷ neṭu vetirkku aṇanta yāṉai
{kuṟi-36} muttu ār maruppiṉ iṟaṅku kai kaṭuppa
{kuṟi-37} tuy talai vāṅkiya puṉiṟu tīr perum kural
{kuṟi-38} nal kōḷ ciṟu tiṉai paṭu puḷ ōppi
{kuṟi-39} el paṭa varutiyar eṉa nī viṭuttaliṉ
{kuṟi-40} kali keḻu maram micai cēṇōṉ iḻaitta
{kuṟi-41} puli añcu itaṇam ēṟi avaṇa
{kuṟi-42} cāral cūral takaipeṟa valanta
{kuṟi-43} taḻal um taṭṭai um kuḷir um piṟa um
{kuṟi-44} kiḷi kaṭi marapiṉa ūḻ ūḻ vāṅki
{kuṟi-45} uravu katir teṟūum uruppu avir amayattu
{kuṟi-46} vicumpu āṭu paṟavai vīḻ pati paṭara
{kuṟi-47} niṟai irum pauvam kuṟaipaṭa mukantukoṇṭu
{kuṟi-48} akal iru vāṉattu vīcu vaḷi kalāvaliṉ
{kuṟi-49} muracu atirntaṉṉa iṉ kural ēṟṟoṭu
{kuṟi-50} nirai celal nivappiṉ koṇmū mayaṅki
{kuṟi-51} iṉ icai muraciṉ cuṭar pūṇ cēey
{kuṟi-52} oṉṉārkku ēntiya ilaṅku ilai eḵkiṉ
{kuṟi-53} miṉ mayaṅku karuviya kal micai poḻinteṉa
{kuṟi-54} aṇṇal neṭum kōṭṭu iḻitaru teḷ nīr
{kuṟi-55} avir tukil puraiyum a veḷ aruvi
{kuṟi-56} tavirvu il vēṭkaiyēm taṇṭātu āṭi
{kuṟi-57} paḷiṅku corivu aṉṉa pāy cuṉai kuṭaivuḻi
{kuṟi-58} naḷi paṭu cilampil pāyam pāṭi
{kuṟi-59} poṉ eṟi maṇiyiṉ ciṟupuṟam tāḻnta em
{kuṟi-60} piṉ irum kūntal piḻivaṉam tuvari
{kuṟi-61} uḷ akam civanta kaṇṇēm vaḷ itaḻ
{kuṟi-62} oḷ ce kāntaḷ āmpal aṉiccam
{kuṟi-63} taṇ kayam kuvaḷai kuṟiñci veṭci
{kuṟi-64} ceṅkoṭuvēri tēmā maṇiccikai
{kuṟi-65} uritu nāṟu aviḻ tottu untūḻ kūviḷam
{kuṟi-66} eri purai eṟuḻam cuḷḷi kūviram
{kuṟi-67} vaṭavaṉam vākai vāṉ pūm kuṭacam
{kuṟi-68} eruvai ceruviḷai maṇi pūm karuviḷai
{kuṟi-69} payiṉi vāṉi pal iṇar kuravam
{kuṟi-70} pacumpiṭi vakuḷam pal iṇar kāyā
{kuṟi-71} viri malar āvirai vēral cūral
{kuṟi-72} kurīippūḷai kuṟunaṟuṅkaṇṇi
{kuṟi-73} kurukilai marutam viri pūm kōṅkam
{kuṟi-74} pōṅkam tilakam tēm kamaḻ pātiri
{kuṟi-75} cerunti atiral perum taṇ caṇpakam
{kuṟi-76} karantai kuḷavi kaṭi kamaḻ kali mā
{kuṟi-77} tillai pālai kal ivar mullai
{kuṟi-78} kullai piṭavam ciṟumārōṭam
{kuṟi-79} vāḻai vaḷḷi nīḷ naṟu neytal
{kuṟi-80} tāḻai taḷavam muḷ tāḷ tāmarai
{kuṟi-81} ñāḻal mauval naṟum taṇ kokuṭi
{kuṟi-82} cēṭal cemmal ciṟuceṅkurali
{kuṟi-83} kōṭal kaitai koṅku mutir naṟu vaḻai
{kuṟi-84} kāñci maṇi kulai kaḷ kamaḻ neytal
{kuṟi-85} pāṅkar marāam pal pūm taṇakkam
{kuṟi-86} īṅkai ilavam tūṅku iṇar koṉṟai
{kuṟi-87} aṭumpu amar ātti neṭum koṭi avarai
{kuṟi-88} pakaṉṟai palācam pal pūm piṇṭi
{kuṟi-89} vañci pittikam cintuvāram
{kuṟi-90} tumpai tuḻāay cuṭar pūm tōṉṟi
{kuṟi-91} nanti naṟavam naṟum puṉṉākam
{kuṟi-92} pāram pīram paim kurukkatti
{kuṟi-93} āram kāḻvai kaṭi irum puṉṉai
{kuṟi-94} narantam nākam naḷḷiruḷnāṟi
{kuṟi-95} mā irum kuruntu um vēṅkai um piṟa um
{kuṟi-96} arakku virittaṉṉa paru ēr am puḻaku uṭaṉ
{kuṟi-97} māl aṅku uṭaiya malivaṉam maṟuki
{kuṟi-98} vāṉ kaṇ kaḻīiya akal aṟai kuvaii
{kuṟi-99} puḷ ār iyatta vilaṅku malai cilampiṉ
{kuṟi-100} vaḷ uyir teḷ viḷi iṭai iṭai payiṟṟi
{kuṟi-101} kiḷḷai ōppi um kiḷai itaḻ paṟiyā
{kuṟi-102} pai viri alkul koy taḻai taii
{kuṟi-103} pal vēṟu uruviṉ vaṉappu amai kōtai em
{kuṟi-104} mel iru mucci kaviṉ peṟa kaṭṭi
{kuṟi-105} eri avir uruviṉ am kuḻai ceyalai
{kuṟi-106} tātu paṭu taṇ niḻal iruntaṉam āka
{kuṟi-107} eṇṇey nīviya curi vaḷar naṟum kāḻ
{kuṟi-108} taṇ naṟum takaram kamaḻa maṇṇi
{kuṟi-109} īram pulara viral uḷarppu aviḻā
{kuṟi-110} kāḻ akil am pukai koḷīi yāḻ icai
{kuṟi-111} aṇi miku vari miñiṟu ārppa tēm kalantu
{kuṟi-112} maṇi niṟam koṇṭa mā irum kuñciyiṉ
{kuṟi-113} malaiya um nilatta um ciṉaiya um cuṉaiya um
{kuṟi-114} vaṇṇam vaṇṇatta malar āypu viraiiya
{kuṟi-115} taṇ naṟum toṭaiyal veḷ pōḻ kaṇṇi
{kuṟi-116} nalampeṟu ceṉṉi nām uṟa milaicci
{kuṟi-117} paim kāl pittikattu āy itaḻ alari
{kuṟi-118} am toṭai oru kāḻ vaḷaii ce tī
{kuṟi-119} oḷ pūm piṇṭi oru kātu cerīi
{kuṟi-120} am taḷir kuvavu moympu alaippa cāntu arunti
{kuṟi-121} maintu iṟaikoṇṭa malarntu ēntu akalattu
{kuṟi-122} toṉṟu paṭu naṟum tār pūṇoṭu poliya
{kuṟi-123} ce poṟikku ēṟṟa vīṅku iṟai taṭam kaiyiṉ
{kuṟi-124} vaṇṇam vari vil ēnti ampu terintu
{kuṟi-125} nuṇ viṉai kaccai tayakku aṟa kaṭṭi
{kuṟi-126} iyal aṇi polinta īkai vāṉ kaḻal
{kuṟi-127} tuyalvaruntōṟum tiruntu aṭi kalāva
{kuṟi-128} muṉai pāḻ paṭukkum tuṉ arum tuppiṉ
{kuṟi-129} pakai puṟaṅkaṇṭa pal vēl iḷaiñariṉ
{kuṟi-130} uravu ciṉam cerukki tuṉṉutoṟum vekuḷum
{kuṟi-131} muḷai vāḷ eyiṟṟa vaḷ ukir ñamali
{kuṟi-132} tiḷaiyā kaṇṇa vaḷaikupu neritara
{kuṟi-133} naṭuṅkuvaṉam eḻuntu nal aṭi taḷarntu yām
{kuṟi-134} iṭumpai kūr maṉattēm maruṇṭu pulam paṭara
{kuṟi-135} māṟu porutu ōṭṭiya pukalviṉ vēṟu pulattu
{kuṟi-136} ā kāṇ viṭaiyiṉ aṇipeṟa vantu em
{kuṟi-137} alamaral āyiṭai verūutal añci
{kuṟi-138} melliya iṉiya mēvara kiḷantu em
{kuṟi-139} aimpāl āy kaviṉ ētti oḷ toṭi
{kuṟi-140} acai mel cāyal a vāṅku unti
{kuṟi-141} maṭam matar maḻai kaṇ iḷaiyīr iṟanta
{kuṟi-142} keṭuti um uṭaiyēṉ eṉṟaṉaṉ ataṉ etir
{kuṟi-143} collēm ātaliṉ allāntu kalaṅki
{kuṟi-144} keṭuti um viṭīir āyiṉ emmoṭu
{kuṟi-145} collal um paḻi ē mel iyalīr eṉa
{kuṟi-146} naivaḷam paḻuniya pālai vallōṉ
{kuṟi-147} kai kavar narampiṉ immeṉa imirum
{kuṟi-148} mātar vaṇṭoṭu curumpu nayantu iṟutta
{kuṟi-149} tātu aviḻ alari tā ciṉai piḷantu
{kuṟi-150} tāṟu aṭu kaḷiṟṟiṉ vīṟu peṟa ōcci
{kuṟi-151} kalleṉ cuṟṟa kaṭum kural avittu em
{kuṟi-152} collal pāṇi niṉṟaṉaṉ āka
{kuṟi-153} iruvi vēynta kuṟum kāl kurampai
{kuṟi-154} piṇai ēr nōkkiṉ maṉaiyōḷ maṭuppa
{kuṟi-155} tēm piḻi tēṟal mānti makiḻ ciṟantu
{kuṟi-156} cēmam maṭinta poḻutiṉ vāy maṭuttu
{kuṟi-157} irum puṉam niḻattaliṉ ciṟumai nōṉātu
{kuṟi-158} aravu uṟaḻ am cilai koḷīi nōy mikku
{kuṟi-159} uravu ciṉam muṉpāl uṭal ciṉam cerukki
{kuṟi-160} kaṇai viṭupu puṭaiyū kāṉam kalleṉa
{kuṟi-161} maṭi viṭu vīḷaiyar veṭi paṭuttu etira
{kuṟi-162} kār peyal urumiṉ piḷiṟi cīr taka
{kuṟi-163} irum piṇar taṭam kai iru nilam cērtti
{kuṟi-164} ciṉam tikaḻ kaṭāam cerukki maram kolpu
{kuṟi-165} maiyal vēḻam maṭaṅkaliṉ etirtara
{kuṟi-166} uyvu iṭam aṟiyēm āki oyyeṉa
{kuṟi-167} tiruntu kōl el vaḷai teḻippa nāṇu maṟantu
{kuṟi-168} vituppuṟu maṉattēm viraintu avaṉ porunti
{kuṟi-169} cūr uṟu maññaiyiṉ naṭuṅka vār kōl
{kuṟi-170} uṭu uṟum pakaḻi vāṅki kaṭu vicai
{kuṟi-171} aṇṇal yāṉai aṇi mukattu aḻuttaliṉ
{kuṟi-172} puṇ umiḻ kuruti mukam pāyntu iḻitara
{kuṟi-173} puḷḷi vari nutal citaiya nillātu
{kuṟi-174} ayarntu puṟaṅkoṭutta piṉṉar neṭu vēḷ
{kuṟi-175} aṇaṅkuṟu makaḷir āṭu kaḷam kaṭuppa
{kuṟi-176} tiṇi nilai kaṭampiṉ tiraḷ arai vaḷaiiya
{kuṟi-177} tuṇai aṟai mālaiyiṉ kai piṇi viṭēem
{kuṟi-178} nurai uṭai kaluḻi pāytaliṉ uravu tirai
{kuṟi-179} aṭum karai vāḻaiyiṉ naṭuṅka peruntakai
{kuṟi-180} am cil ōti acaiyal yāvatu um
{kuṟi-181} añcal ōmpu niṉ aṇi nalam nukarku eṉa
{kuṟi-182} mācu aṟu cuṭar nutal nīvi nīṭu niṉaintu
{kuṟi-183} eṉ mukam nōkki nakkaṉaṉ a nilai
{kuṟi-184} nāṇ um uṭku um naṇṇuvaḻi aṭaitara
{kuṟi-185} oyyeṉa piriya um viṭāaṉ kavaii
{kuṟi-186} ākam aṭaiya muyaṅkaliṉ a vaḻi
{kuṟi-187} paḻu miḷaku ukka pāṟai neṭum cuṉai
{kuṟi-188} muḻu mutal kokkiṉ tīm kaṉi utirnteṉa
{kuṟi-189} puḷ eṟi piracamoṭu īṇṭi palaviṉ
{kuṟi-190} nekiḻntu uku naṟum paḻam viḷainta tēṟal
{kuṟi-191} nīr cettu ayiṉṟa tōkai viyal ūr
{kuṟi-192} cāṟu koḷ āṅkaṇ viḻavu kaḷam nanti
{kuṟi-193} ari kūṭṭu iṉ iyam kaṟaṅka āṭu makaḷ
{kuṟi-194} kayiṟu ūr pāṇiyiṉ taḷarum cāral
{kuṟi-195} varai aramakaḷiriṉ cāay viḻaitaka
{kuṟi-196} viṇ porum ceṉṉi kiḷaiiya kāntaḷ
{kuṟi-197} taṇ kamaḻ alari tāay nal pala
{kuṟi-198} vampu viri kaḷattiṉ kaviṉ peṟa polinta
{kuṟi-199} kuṉṟu keḻu nāṭaṉ em viḻaitaru peru viṟal
{kuṟi-200} uḷḷam taṉmai uḷḷiṉaṉ koṇṭu
{kuṟi-201} cāṟu ayarntaṉṉa miṭāa coṉṟi
{kuṟi-202} varunarkku varaiyā vaḷam nakar poṟpa
{kuṟi-203} malara tiṟanta vāyil palar uṇa
{kuṟi-204} paim niṇam oḻukiya ney mali aṭicil
{kuṟi-205} vacai il vāṉ tiṇai puraiyōr kaṭumpoṭu
{kuṟi-206} viruntu uṇṭu eñciya miccil peruntakai
{kuṟi-207} niṉṉōṭu uṇṭal um puraivatu eṉṟu āṅku
{kuṟi-208} aṟam puṇai āka tēṟṟi piṟaṅku malai
{kuṟi-209} mīmicai kaṭavuḷ vāḻtti kaitoḻutu
{kuṟi-210} ēmuṟu vañciṉam vāymaiyiṉ tēṟṟi
{kuṟi-211} am tīm teḷ nīr kuṭittaliṉ neñcu amarntu
{kuṟi-212} aru viṭar amainta kaḷiṟu taru puṇarcci
{kuṟi-213} vāṉ uri uṟaiyuḷ vayaṅkiyōr avāvum
{kuṟi-214} pū mali cōlai a pakal kaḻippi
{kuṟi-215} ellai cella ēḻ ūrpu iṟaiñci
{kuṟi-216} pal katir maṇṭilam kal cērpu maṟaiya
{kuṟi-217} māṉ kaṇam maram mutal teviṭṭa āṉ kaṇam
{kuṟi-218} kaṉṟu payir kurala maṉṟu niṟai pukutara
{kuṟi-219} ēṅku vayir icaiya koṭu vāy aṉṟil
{kuṟi-220} ōṅku irum peṇṇai akam maṭal akava
{kuṟi-221} pāmpu maṇi umiḻa pal vayiṉ kōvalar
{kuṟi-222} āmpal am tīm kuḻal teḷ viḷi payiṟṟa
{kuṟi-223} āmpal āy itaḻ kūmpu viṭa vaḷam maṉai
{kuṟi-224} pūm toṭi makaḷir cuṭar talai koḷuvi
{kuṟi-225} anti antaṇar ayara kāṉavar
{kuṟi-226} viṇ tōy paṇavai micai ñekiḻi potta
{kuṟi-227} vāṉam mā malai vāy cūḻpu kaṟuppa kāṉam
{kuṟi-228} kalleṉṟu iraṭṭa puḷ iṉam olippa
{kuṟi-229} ciṉaiiya vēntaṉ cel camam kaṭuppa
{kuṟi-230} tuṉaiiya mālai tuṉṉutal kāṇūu
{kuṟi-231} nēr iṟai muṉkai paṟṟi numar tara
{kuṟi-232} nāṭu aṟi nal maṇam ayarkam cil nāḷ
{kuṟi-233} kalaṅkal ōmpumiṉ ilaṅku iḻaiyīr eṉa
{kuṟi-234} īra nal moḻi tīra kūṟi
{kuṟi-235} tuṇai puṇar ēṟṟiṉ emmoṭu vantu
{kuṟi-236} tuñcā muḻaviṉ mūtūr vāyil
{kuṟi-237} uṇ tuṟai niṟuttu peyarntaṉaṉ ataṉ koṇṭu
{kuṟi-238} aṉṟai aṉṉa viruppōṭu eṉṟum
{kuṟi-239} ira varal mālaiyaṉ ē varutōṟum
{kuṟi-240} kāvalar kaṭukiṉum katam nāy kuraippiṉum
{kuṟi-241} nī tuyil eḻiṉum nilavu veḷippaṭiṉum
{kuṟi-242} vēy purai mel tōḷ iṉ tuyil eṉṟum
{kuṟi-243} peṟāaṉ peyariṉum muṉiyal uṟāaṉ
{kuṟi-244} iḷamaiyiṉ ikantaṉṟu um ilaṉ ē vaḷamaiyiṉ
{kuṟi-245} taṉ nilai tīrntaṉṟu um ilaṉ ē koṉ ūr
{kuṟi-246} māya varaviṉ iyalpu niṉaii tēṟṟi
{kuṟi-247} nīr eṟi malariṉ cāay itaḻ cōrā
{kuṟi-248} īriya kaluḻum ivaḷ peru matar maḻai kaṇ
{kuṟi-249} ākattu ari paṉi uṟaippa nāḷ um
{kuṟi-250} valai paṭu maññaiyiṉ nalam cela cāay
{kuṟi-251} niṉaittoṟum kaluḻum āl ivaḷ ē kaṅkul
{kuṟi-252} aḷai ceṟi uḻuvai um āḷiyum uḷiyam um
{kuṟi-253} puḻal kōṭṭu āmāṉ pukalvi um kaḷiṟu um
{kuṟi-254} valiyiṉ tappum vaṉkaṇ ve ciṉattu
{kuṟi-255} urum um cūr um irai tēr aravam um
{kuṟi-256} oṭuṅku irum kuṭṭattu arum cuḻi vaḻaṅkum
{kuṟi-257} koṭum tāḷ mutalai um iṭaṅkar um karām um
{kuṟi-258} nūḻil um iḻukku um ūḻ aṭi muṭṭam um
{kuṟi-259} paḻu um pāntaḷ um uḷappaṭa piṟa um
{kuṟi-260} vaḻuviṉ vaḻāa viḻumam avar
{kuṟi-261} kuḻu malai viṭar akam uṭaiya āl eṉa ē